官方微信 官方微博
当前位置: 首页 > 云山论剑 > 正文

洛溪大桥

信息时报 | 阮栩 | 2020-03-15 22:12:12

白话广州

  新闻话,洛溪大桥拓宽工程啲工人上个星期基本返到岗位,大桥嘅拓宽工程有望按计划年底建成通车。

  喺上个世纪80年代,洛溪大桥就已经系番禺人民入广州城区嘅重要途径,喺嗰个仲要靠轮渡过海嘅年代,洛溪桥嘅出现可以讲系划时代嘅。谂起第一次过洛溪大桥,我系踩住单车过去嘅。经过洛溪大桥嗰阵,第一感觉就系佢好长,2.3公里嘅桥面真系踩到嗍晒气。喺番禺呢边落咗桥先睇到,呢条桥嘅桥墩仲好高,有成十几层楼咁高。初初睇到,不禁惊叹佢嘅特别同埋雄伟。

  2004年,我搬咗去番禺住,就日日同佢打交道啦。嗰时,洛溪大桥仲要收费,搭巴士过桥要俾多一蚊。随住经济发展,好多屋企都买咗私家车,番禺好多人都要去广州城区返工,早晚高峰车流激增,所以比较容易塞车。好彩后嚟新光快速开通,分流咗唔少车辆。

  到咗2017年,洛溪大桥嘅收费站终于拆除,空出嚟嘅车道仲搞咗红绿灯轮流放行,呢个常常逼成成锅粥嘅交通堵点先至有明显改善。但系,车流量实在太大,有时间唔中都会塞下。

  而家,洛溪大桥拓宽工程已经进行到近半,只要一完成,佢肯定会迎来更好嘅通行状态。

◎阮栩 编辑


信息时报社地址:广东省广州市广州大道南83号汇美商务中心四楼

信息时报社 版权所有(C) 粤ICP备14002173号-1 爆料电话:020-34323111 QQ:800023111 官方微博:@ 信息时报

举报及投诉电话:(020)34323133 邮箱:xxsb_gz@163.com

网上有害信息举报专区