【我在广州】咧咧啡啡,点做广州人啊?

by 信息时报 | 封剑浪人冯今宁 | 2015-09-07 11:22

9月2日,阴,有雨。

阴雨连连的天气,使人感觉疲乏,百无聊赖之下,来到芳村槎滘路的一个店面里,只见这里摆放着一堆铜罐一样的啤酒设备。记得很多年前就见过这样的东东,当年还觉得蛮新奇的。见时间尚早,进去喝一杯再说……


1.jpg

“你好,老细,你哋嘀啤酒系用咩酿制噶?”

“纯正嘅大麦麦芽,用德国酿造工艺酿制噶,”

“呢样嘢唔系新嘢嘞啵?点解你会谂到仲做嘅?”

“虽然唔系新事物,但我相信坚持用真材实料嘅话,系有得做嘅。”

“咁你嘀‘德国生啤’系咪用德国麦芽噶?”

“唔系,宜家国内嘅麦芽厂,大部分都系生产澳洲大麦嘅麦芽。”


2.jpg


“你哋独孤一味生啤,嘀生意咪好难做?”

“都唔系独孤一味嘅,我哋有白啤、黄啤同黑啤都有。宜家嘀人怕尿酸高,都唔敢饮啤酒,我哋只生啤就唔会有尿酸高嘅问题啦。饮几多都唔惊。”

“讲系咁讲嗟。”

“唔系得个讲字噶,呢种生啤系即做即饮嘅,系有活性酵母噶,即系以前嘀人食酵母片,宜家嘀人话饮酵素一样咯,对人体有益嘅野呢噶。至于其他市场上嘅啤酒,由于需要保存时间长,佢哋必须先杀菌,呢个杀菌过程同样会杀死酵母菌。冇酵母菌梗喺冇咁有益啦?”


3.jpg


“你知唔知广州最早引进呢套工艺嘅系边间啊?”

“听讲过,有嘀印象,唔系好记得咯。”

“系喺广东迎宾馆嗰间酒吧啊,当年真系好墟撼噶,晚晚都爆满。但后嚟唔知点解,咁都执咗。”

“佢哋好似系国营酒楼,承包俾私人做嘅。可能拆唔掂数咯。”

“或者系啦,你之前喺边度做过呢样啊?”

“之前我哋喺粤中某地做过,但系真系唔掂啊,嗰嘀消费多少就唔在讲啦。单系嗰嘀卫生就好难顶啊,成地花生瓜子壳,成地口谈,嘀客人随便就‘哈吐’,我见到只脚都缩唔切啊。我做咗冇几耐就投降啦,翻广州就算地头唔系咁好,都好过喺嗰边做啊。”


4.jpg


“你系广州人?”

“系啊,纯正广州人。”

“咁边句广州话系最纯正噶?”

咧咧啡啡!就系讲嗰嘀唔修边幅嘅邋遢佬咯。”


有时候,市场系跟随环境而生嘅,有乜层次嘅客人,就会有咩样嘅市场。希望广州嘅市场环境,能更上一层楼啦。


返回顶部
信息时报电子报